市民：唔該我想轉錢
員工：先生唔好意思，今日我地幫唔到你轉錢
市民：你開門有咩理由無錢轉呀？
員工：唔好意思, 而家五天結算, 所以星期日係轉唔到 錢
市民：咁我想買 d 美金，得嘛？
員工：唔好意思呀，今日唔可以幫你轉美金 ….
市民：你開門有咩理由無美金轉呀 ?
員工：唔好意思，而家五天結算，所以星期日係轉唔到 美金
市民：咁我想做張定期，得嘛 ?
員工：唔好意思呀，今日唔可以幫你做定期 ….
市民：你開門有咩理由無定期做呀 ?
員工：唔好意思，而家五天結算，所以星期日係做唔到定期．
市民：咩都唔做得，咁你地開黎做咩 ?!
員工：我地有專業既同事可以介紹 d 儲錢計劃俾你，又可以為你提供市場資訊, 例如有咩市場基金可以買． 仲有你可以申請我地既 credit card…
市民：好，我都岩岩想買中國基金, 你幫我落 order
員工：唔好意思呀, 今日唔可以幫你買基金 ….
市民：又點解唔得呀 ?
員工：唔好意思，而家五天結算，所以星期日係轉唔到美金；星期日無市，又買唔到基金
市民：都唔明你地星期日咩都唔得， 開黎做乜?! 算喇，我要 close account，你幫我打張本票！
員工：唔好意思，而家五天結算，所以星期日係做唔到本票
市民：……………………………….

市民向經理投訴

市民：我要投訴！我要投訴！你地真係可恥！星期日開門都無得存款，轉錢，買外幣，開本票．．．
經理：唔好意思, 而家五天結算，所以星期日只係提供非櫃檯服務
市民：咁叫方便市民咩？你開得門可以做晒各種服務先叫做方便市民！
經理：其實先生你可以在周一至周五辦理你需要的服務，星期日我地只係提供財富管理服務給有需要人仕 …
市民：你咁咩意思呀? 即係話我無財富俾你管理 ?!
經理：當然唔係咁意思啦 …
市民：我財富管理已經交俾我朋友負責，我而家只係需要星期日辦理櫃檯服務
經理：唔好意思，而家五天結算，所以星期日只係提供非櫃檯服務．．．先生你可以在周一至周五辦理你需要的服務
市民：我就係在周一至周五辦理唔到我需要既野，所以星期日先到銀行，你又話無得做！我聽你Ｄ高層講開七天係方便市民喎！你連無提供櫃檯服務都唔講明，真可恥！　
經理：其實呢d 係高層既決定 …
市民：你真可恥，扭曲你高層d 決定…唔理，我要辦理我需要既服務！
經理：唔好意思，而家五天結算，所以星期日只係提供非櫃檯服務．　
市民：咁你0係度做乜 ?
員工：開門同關門 ……
市民：咁你0係度做乜 ?
員工：人肉廣告版
市民：咁有乜做到 ?
員工：等放工 …….
市民：…………..
市民：咁你0係度做乜 ?
員工：做樣俾高層睇 !